राष्ट्रिय सभाको उपाध्यक्षमा कांग्रेसले उम्मेदवारी नदिने, माओवादीको उम्मेदवारलाई समर्थन गर्ने 

काठमाडौं, माघ २२ : नेपाली कांग्रेसले राष्ट्रिय सभाको उपाध्यक्ष पदमा उम्मेदवारी नदिने भएको छ । 

आज बिहान सभापति शेर बहादुर देउवाको निवास धुम्बाराहीमा बसेको पार्टीका पदाधिकारी र पूर्वपदाधिकारीको बैठकले राष्ट्रिय सभाको उपाध्यक्ष पदमा उम्मेदवारी नदिने निर्णय गरेको कांग्रेस सचेतक रमेश लेखकले जानकारी दिए । 

बैठकले सत्ता गठबन्धनबाट नेकपा माओवादीको उम्मेदवारलाई समर्थन गर्ने निर्णय गरेको छ । माओवादीले उर्मिला अर्याललाई उपाध्यक्षको उम्मेदवार बनाउँदैछ । कांग्रेसले अर्याललाई समर्थन गर्ने भएको हो ।   

राष्ट्रिय सभा उपाध्यक्ष पदका लागि आज दिउँसो १ बजेदेखि ४ बजेसम्म उम्मेदवारी दर्ताको समय तोकिएको छ । भोलि सोमबार निर्वाचन हुनेछ ।