सन्दीप लामिछानेविरुद्धको मुद्दा न्यायाधीश फुयालको इजलासमा 

काठमाडौं, माघ २० : नाबालिग बलात्कारको अभियोग लागेका क्रिकेट सन्दीप लामिछानेलाई थुनामा राख्न माग गर्दै सर्वोच्चमा दायर गरिएको रिटको पहिलो सुनुवाई आज हुँदै छ । 

बलात्कार अभियोग लागेका लामिछानेलाई धरौटीमा रिहा गर्ने उच्च अदालतको आदेश बदरको माग गरिएको  मुद्दामा न्यायाधीश हरिप्रसाद फुयालको इजलासले पहिलो सुनुवाई गर्ने भएको हो ।

दुई साताअघि उच्च अदालत पाटनका न्यायाधीश ध्रुवराज नन्द र रमेश ढकालले विभिन्न सर्तसहित उनलाई २० लाख धरौटीमा रिहा गर्न आदेश दिएको थिए । उक्त आदेश विरुद्ध महान्यायाधीवक्ताको कार्यालयले माघ १७ गते सर्वोच्चमा निवेदन दिएको थियो।  

सर्वोच्च अदालतले मंगलबार महान्यायाधिवक्ताको निवेदन दर्ता गर्दै शुक्रबारका लागि पेसी तोकेको थियो ।