सांसद चाैधरीलाई रिहा गर्न नागरिक उन्मुक्ति पार्टीकाे २४ घन्टे अल्टिमेटम

काठमाडाैं, माघ १९ : नागरिक उन्मुक्ति पार्टीले सांसद अरुणकुमार चौधरीलाई २४ घन्टा भित्र रिहा नगरे आन्दोलन गर्ने चेतावनी दिएको छ । पार्टीले एक बिज्ञप्ती जारी गर्दै चाैधरीलाइ रिहा नगरेपछिका घटनाकाे दोषी सरकार हुने जनाएकाे छ।

‘हामी सरकारलाई र सम्बन्धित निकायलाई २४ घन्टा भित्र रिहा नगरे, त्यसपछिका घटनामा आफैं घट्ने घटनाको परिणाम दोषी सरकार र सम्बन्धित निकाय हुने छ,’ नागरिक उन्मुक्ति पार्टीका प्रवक्ता दामोदर पण्डिले निकालेको विज्ञप्तिमा उल्लेख छ ।

कैलाली–२ का सांसद अरुणकुमार चौधरीलाई १३ वर्ष पुरानो आगजनीको घटनामा जिल्ला अदालत कैलालीले ६ महिना कैद सजाय सुनाएको थियो ।

तर उनी त्यो सजाय भुक्तान नगरी सांसद निर्वाचित भएका थिए । जिल्ला अदालत कैलालीबाट ६ महिना कैद सजाय पाएका सांसद चौधरीलाई फैसला कार्यान्वयनका लागि प्रहरीले बिहिबार बाँकेबाट पक्राउ गरेको थियो ।

बाँकेमा पक्राउ परेका  चौधरीलाई श्री एयरलाइन्सको विमानमार्फत काठमाडौं ल्याएर फेरि धनगढी लागिएको छ।