रवि लामिछानेले लिए नेपाली नागरिकता
काठमाडौंका प्रमुख जिल्ला अधिकारी घनश्याम उपाध्यायाले लामिछानेले नागरिकता ऐन २०६३ को दफा ११ र नागरिकता नियमावलीको नियम ११ बमोजिम कागजात पेश गरेपछि नागरिकता प्रदान गरिएको बताए ।
काठमाडौं, माघ १५ : राष्ट्रिय स्वतन्त्र पार्टीका नेता रवि लामिछानेले नेपाली नागरिकताको प्रमाणपत्र लिएका छन् ।
आइतबार जिल्ला प्रशासन कार्यालय काठमाडौं पुगेर उनले नागरिकताको प्रमाणपत्र लिएका हुन् । राष्ट्रिय स्वतन्त्र पार्टीको संसदीय दलका प्रमुख सचेतक सन्तोष परियारले लामिछानेले प्रशासनबाट पुनः नागरिकता लिएको पुष्टि गरे ।
अमेरिकी नागरिकता परित्याग गरेपछि लामिछानेले नेपाली नागरिकता पुनः प्राप्ती गर्न आवश्यक प्रक्रिया नगरेको भन्दै सर्वोच्च अदालतले शुक्रबार उनको सांसद पद खारेज गरिदिएको थियो ।
रविले सांसद पदसँगै उपप्रधानसहितको गृहमन्त्री र पार्टीको सभापति पद समेत गुमाएका थिए। अदालतको आदेशपछि आइतबार उनी नागरिकता पुनः कायम गराउन काठमाडौं प्रशासन पुगेका थिए ।
काठमाडौंका प्रमुख जिल्ला अधिकारी घनश्याम उपाध्यायाले लामिछानेले नागरिकता ऐन २०६३ को दफा ११ र नागरिकता नियमावलीको नियम ११ बमोजिम कागजात पेश गरेपछि नागरिकता प्रदान गरिएको बताए ।
