लुम्बिनीका सभामुख र उपसभामुखले लिए सपथ 

काठमाडौं, माघ ४ : लुम्बिनी प्रदेशका नवनिर्वाचित सभामुख तुलाराम घर्ती र उपसभामुख मेनकाु खांणले पद तथा गोपनीयतको सपथ लिएका छन् । मंगलबार निर्विरोध निर्वाचित भएका सभामुख र उपसभामुखले बुधबार सपथ लिएका हुन् । 

बुटवलस्थित प्रदेश प्रमुखको कार्यालयमा प्रदेश प्रमुख अमिक शेरचनले नवनिर्वाचित सभामुख र उपसभामुखलाई सपथ ग्रहण गराएका हुन् ।   सभामुखमा घर्तीको एकल उम्मेदवारी परेको थियो भने उपसभामुखमा नेपाली कांग्रेसका विश्वप्रेम पाठक र नागरिक उन्मुक्ति पार्टीकी निर्मलादेवी थारुले उम्मेदवारी दर्ता गरेका थिए । 

तर उनीहरुले प्रदेश सभा बैठकमा उम्मेदवारी फिर्ता लिएको घोषणा गरेपछि खांण मतदान प्रक्रियामा नगई निर्वाचित भएकी हुन् ।

शपथ ग्रहण समारोहमा मुख्यमन्त्री लिला गिरी, मन्त्रीहरु चेतनारायण आचार्य र कृष्णा केसी लगायत सत्तारुढ दलका नेताहरुको सहभागिता रहेको थियो ।