कांग्रेसबाट ईश्वरी न्यौपाने सभामुखका उम्मेदवार
बुधबार जारी छलफलबाट प्रतिनिधि सभाकी सदस्य ईश्वरी न्यौपानेलाई सभामुखको उम्मेदवार बनाउने तयारी गरेको हो ।
काठमाडौं, माघ ४ : नेपाली कांग्रेसले प्रतिनिधि सभाको सभामुखका लागि उम्मेदवारको टुंगो लगाएको छ ।
बुधबार जारी छलफलबाट प्रतिनिधि सभाकी सदस्य ईश्वरी न्यौपानेलाई सभामुखको उम्मेदवार बनाउने तयारी गरेको हो । न्यौपानेले पनि आफूलाई संसदीय दलको कार्यालयमा बोलाइएको बताएकी छन् ।
कांग्रेसले सभामुखको विषयमा प्रतिपक्षमा रहेका दलहरुसँग पनि छलफल गरिरहेको छ । छलफल सकिएपछि उम्मेदवारी दिने तयारी रहेको छ ।
सत्ता गठबन्धनको तर्फबाट एमालेका देवराज घिमिरेले उम्मेदवारी दर्ता गरिसकेका छन् । सभामुखका लागि मनोनयन दर्ता गर्न दिउँसो १ बजेदेखि अपराह्न ४ बजेसम्मको समय निर्धारण गरिएको छ ।
प्रकाशित मिति: १३:५५ बजे, बुधबार, माघ ४, २०७९
प्रतिक्रिया दिनुहोस्
थप समाचार
