रोल्पा पुगेका वर्षमानको स्वास्थ्यमा समस्या देखिएपछि काठमाडौं ल्याइयो, सुमेरु अस्पतालमा उपचार सुरु
काठमाडौं, पुस ३० : माओवादी केन्द्रका महासचिव वर्षमान पुनको स्वास्थ्यमा पुन समस्या देखिएको छ । चुनाव जितेपछि पहिलो पटक गृहजिल्ला पुगेका पुनको स्वास्थ्यमा समस्या देखिएपछि काठमाडौं ल्याइएको छ ।
रोल्पा समृद्ध फाउन्डेसनको कार्यक्रममा गृह जिल्ला रोल्पा पुगेका पुनको स्वास्थ्यमा गम्भीर समस्या देखिएपछि हेलिकप्टर चार्टर्ड गरी काठमाडौं ल्याइएको छ ।
पुनलाई आज दिउँसो नै ललितपुरको सुमेरु अस्पताल भर्ना गरिएको छ । उनी केही समयअघि मात्र चीनमा उपचार गराएर फर्किएका थिए ।
वंशाणुगत जण्डिसबाट पीडित नेता पुन चुनावी धपेडीले रोग बल्झिएपछि उपचारका लागि गत मंसिर १६ गते चीन गएका थिए। स्वास्थ्यमा सुधार आएपछि पुस ५ गते उनी काठमाडौं फर्किएका थिए।
यसअघि गत वर्ष पनि पुनको सुरूमा थाइल्याण्ड र पछि चीनका अस्पतालमा उपचार गरिएको थियो।
प्रकाशित मिति: १६:२९ बजे, शनिबार, पुस ३०, २०७९
प्रतिक्रिया दिनुहोस्
थप समाचार
