प्रदेश १ नेपाली कांग्रेस संसदीय दलको नेतामा उद्धव थापा

काठमाडौं, पुस १५ : प्रदेश १ नेपाली कांग्रेस संसदीय दलको नेतामा उद्धव थापा चुनिएका छन्। त्यहाँ संसदीय दलको नेताका लागि तीन जनाको उम्मेदवारी थियो । 

केदार कार्की र अमृत अर्याल उनका प्रतिस्पर्धी थिए। थापाले १८ मत ल्याएर संसदीय दलको नेता चुनिँदा कार्कीले ९ र अर्याल २ मत पाए।

संसदीय दलको नेता चुनिएका थापा पार्टीको प्रदेश १ सभापति एवम् झापा जिल्लाको पूर्वसभापति पनि हुन्। थापा समानुपातिकबाट प्रदेशसभा सदस्य भएका हुन्।

थापाको प्रस्तावकमा मोरङका भीम पराजुली र समर्थकमा खोटाङका भूपेन्द्र राई थिए।