प्रधानमन्त्री प्रचण्डलाई भेट्न खुमलटार पुगे एमाले अध्यक्ष ओली
नेकपा विभाजनपछि ओली पहिलोपटक खुमलटार पुगेका हुन् ।
काठमाडौं, पुस १३ : नेकपा एमालेका अध्यक्ष केपी शर्मा ओली खुमलटार पुगेका छन् ।
प्रधानमन्त्री तथा नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’लाई भेट्न ओली केहीबेरअघि खुमलटार पुगेका हुन् ।
नेकपा विभाजनपछि ओली पहिलोपटक खुमलटार पुगेका हुन् । निवर्तमान प्रधानमन्त्री शेरबहादुर देउवाले बालुवाटार नछाडेका कारण ओली खुमलटार नै पुगेका हुन् ।
प्रधानमन्त्री प्रचण्ड र अध्यक्ष अोलीबीच मन्त्रिपरिषद् विस्तार, माधव नेपालको पार्टीलाई सरकारमा सहभागी गराउने इत्यादी विषयमा छलफल हुने बताइएको छ ।
बुधबार नै प्रचण्डले एकीकृत समाजवादीका अध्यक्ष माधवकुमार नेपाल र जनता समाजवादी पार्टीका अध्यक्ष उपेन्द्र यादवसँग भेटवार्ता गरी सरकारमा सहभागी हुन पहल गरेका थिए ।
प्रकाशित मिति: १२:२१ बजे, बुधबार, पुस १३, २०७९
प्रतिक्रिया दिनुहोस्
थप समाचार
