विश्वप्रकाशको आग्रह– हठ र आवेगमा कुनै निर्णय नगरौं
काठमाडौं, पुस १० : नेपाली कांग्रेसका महामन्त्री विश्वप्रकाश शर्माले हठ र आवेगमा कुनै पनि निर्णय नगर्न अनुरोध गरेका छन् ।
आइतबार बालुवाटारको बैठकपछि विनानिष्कर्ष टुंगिएपछि महामन्त्री शर्माले सामाजिक सञ्जालमार्फत हठ, हतारो र आवेगमा कुनैपनि निर्णय नगर्न आग्रह गरेका हुन् ।
उनले अपेक्षाका बीचमा गठबन्धनलाई जोगाउन नसक्ने अवस्था आउन दिन नहुने पनि बताएका छन् । समयले अभिभावकत्व खोजिरहेको बेला यो पनि र त्यो पनि भनिरहँदा न यो न त्यो हुने अवस्थामा पुग्न नहुने बताएका हुन् ।
उनले विकल्पहरुको विकल्पमा जुट्नुको विकल्प नरहेको पनि बताए ।
हठ, हतारो र आवेगमा कुनै निर्णय नगरौं !
— Bishwa Prakash शर्मा (@bishwaprakash77) December 25, 2022
आलोचना बीच गठबन्धन गर्ने, तर अपेक्षाको बिचमा जोगाउन नसक्ने अवस्था आउन दिनुहुन्न l समयले अभिभावकत्व खोजेको छ l यो पनि र त्यो पनि भनिरहँदा, न यो न त्यो हुने अवस्थामा पुग्नु हुन्न l
विकल्पहरुको विकल्पमा जुट्नुको विकल्प छैन !
