सिसडोल जाँदै गरेको मिनी ट्रक दुर्घटना, दुई जनाको मृत्यु

काठमाडौं, पुस ११ :  काठमाडाैंकाे तार्केश्वर नगरपालिका–३ स्थित तीन पिप्लेमा फोहोर बोकेको मिनी ट्रक दुर्घटना हुँदा दुई जनाको मृत्यु भएको छ।

शुक्रबार बिहान काठमाडौंबाट फोहोर बोकेर नुवाकोटको सिसडोल जाँदै गरेको ना २ क ३३८ नम्बरको टिपर दुर्घटना भएको हो। दुर्घटनामा टिपरका चालक माइला तामाङ र सहचालक कमल तामाङको मृत्यु भएको प्रहरीले जनाएको छ।

दुवै जनाकाे घटनास्थलमै मृत्यु भएकाे प्रहरीले जनाएकाे छ। तीव्र गतिमा रहेकाले टिपर दुर्घटना भएको महानगरीय प्रहरी वृत्त बालाजुले जनाएको छ।