संसद सचिवालयका सचिव घिमिरेले दिए राजीनामा 

काठमाडौं, मंसिर २८ : संघीय संसद सचिवालयका सचिव ध्रुवप्रसाद घिमिरेले पदबाट राजीनामा दिएका छन् । 

घिमिरेले बुधबार बिहान संघीय संसद सचिवालयका महासचिव भरतराज गौतमसमक्ष राजीनामा बुझाएका हुन् । उनले घरायसी कारण देखाउँदै अवकाश हुन ९ महिना बाँकी रहँदै पदबाट राजीनामा दिएका हुन् । 

उनको राजीनामा पनि स्वीकृत भइसकेको छ । बुधबार राष्ट्रिय सभा अध्यक्ष गणेशप्रसाद तिमिल्सिनाको अध्यक्षतामा बसेको संसद सचिवालय व्यवस्थापन समितिको बैठकले घिमिरेको राजीनामा स्वीकृत गरेको हो ।

घिमिरे संघीय संसद् सचिवालयको प्रशासन महाशाखा प्रमुख थिए ।