एमाले अध्यक्ष ओलीसँग कांग्रेस नेता केसीको भेटवार्ता 

काठमाडौं, मंसिर २६ : नेपाली कांग्रेसका नेता अर्जुननरसिंह केसीले एमाले अध्यक्ष केपी ओलीसँग भेटवार्ता गरेका छन् ।

अध्यक्ष ओलीको निमन्त्रणामा नेता केसी आइतबार साँझ बालकोट पुगेका हुन् । भेटका क्रममा समसामयिक राजनीतिक घटनाक्रमबारे करिब २ घण्टा छलफल भएको बताइएको छ । 

भेटमा नयाँ सरकार गठन, अर्थतन्त्र सुधारका लागि दलहरुबीचको एकतालगायतका विषयमा पनि छलफल भएको बताइएको  छ ।