समानुपातिक सांसद छान्न एमालेकाे सचिवालय बैठक शुक्रबार बस्ने
समानुपातिकतर्फ पहिलो दल एमालेले प्राप्त मतका आधारमा बन्दसूचीबाट ३४ जनालाई निर्वाचित गर्नुपर्नेछ।
काठमाडाैं, मंसिर २२ : नेकपा एमालेले समानुपातिक सांसदबारे निर्णय गर्न सचिवालय बैठक बोलाएको छ।
निर्वाचन आयोगले समानुपातिक सांसदका लागि राजनीतिक दलहरुलाई पत्र पठाएसँगै एमालेले भोलि (शुक्रबार) दिउँसो १ बजेका लागि सचिवालय बैठक बोलाएको हो।
समानुपातिकतर्फ पहिलो दल एमालेले प्राप्त मतका आधारमा बन्दसूचीबाट ३४ जनालाई निर्वाचित गर्नुपर्नेछ।
एमाले प्रचार विभाग प्रमुख पृथ्वी सुब्बा गुरुङका अनुसार निर्वाचन आयोगले ३ दिनको समय दिएर बन्दसूचीमा रहेका नाममध्येबाट क्लस्टर मिलाएर पार्टीले प्राप्त गरेको सिटमा नाम पठाउन बुधबार बेलुका पत्राचार गरेको र त्यसबारे निर्णय लिन बैठक बोलाइएको हो।
आयोगमा पेस गरिएको समानुपातिक सूचीमा रहेको ११० नाम मध्येबाट ५ क्लस्टरबाट मिलाएर पार्टीको निर्णयसहित ३४ जनाको नाम एमालेले निर्वाचन आयोगलाई पठाउनुपर्नेछ।
प्रकाशित मिति: १२:२३ बजे, बिहीबार, मंसिर २२, २०७९
प्रतिक्रिया दिनुहोस्
थप समाचार
