बालुवाटार बैठक : सत्ता गठबन्धनलाई निरन्तरता दिने सहमति
काठमाडौं, मंसिर १९ : सत्ता गठबन्धनले प्रतिनिधि सभा र प्रदेश सभा निर्वाचनको नतिजाले वर्तमान गठबन्धनको आवश्यकता र सान्दर्भिकतलाई थप पुष्टि गरेको निष्कर्ष निकालेको छ ।
सोमबार बालुवाटारमा बैठकले मुलुकमा विद्यमान चुनौतीहरुको सामना गर्नु पर्ने आवश्यकताका कारण गठबन्धनलाई निरन्तरता दिन सहमती जुटेको हो । ‘निर्वाचनको नतिजाले राजनीतिक स्थायित्व र आर्थिक समद्धिको बाटोमा आपसी सहमति र सहकार्यका साथ मिलेर अघि बढ्नुपर्ने स्पष्ट सन्देश दिएको छ,’ बैठकपछि जारी गरिएको विज्ञप्तिमा भनिएको छ ।
विज्ञप्तिमार्फत निर्वाचनको दौरनामा गठबन्धनलले केन्द्रबाट स्पष्ट निर्णय र निर्देशन गर्दागर्दै पनि कतिपय निर्वाचन क्षेत्रमा केही असहयोग र असमझदारीका घटना भएको र यसको समीक्षा आगामी दिनमा गरिने जानकारी दिइएको छ ।
गठबन्धनले निर्वाचन सफलतापूर्वक सम्पन्न गरेकामा सरकारलाई धन्यवाद ज्ञापन गर्दै निर्वाचन आयोग, कर्मचारी, सुरक्षा निकाय, राजनीतिक दल, नागरिक समाज, संचारकर्मी लगायत सबैलाई धन्यवाद दिएको छ ।
