इलाम–२ (१) मा कांग्रेसका गिरी निर्वाचित

इलाम, मंसिर १० : इलाम–२(१) मा नेपाली कांग्रेसका गोविन्द गिरी विजयी भएका छन। मुख्य निर्वाचन अधिकृतको कार्यालयले सार्वजनिक गरेको अन्तिम मतपरिणाममा गिरी एक हजार दुई सय ११ मतान्तरसहित विजयी भएका हुन।

गिरीले १६ हजार छ सय ६५ मत प्राप्त गरेका छन। उनका निकटतम प्रतिस्पर्धी नेकपा (एमाले) का उम्मेदवार गणेशप्रसाद बरालले १५ हजार चार सय ४७ मत मात्र प्राप्त गरेका छन। यस निर्वाचन क्षेत्रमा ८ जना उम्मेदवार रहेका थिए। यस क्षेत्रमा ३६ हजार नौ सय २९ मत खसेको थियो।