ललितपुर–३ प्रदेशसभा १ मा एमालेका महर्जन विजयी
पाटन, मंसिर ८ : ललितपर–३ प्रदेशसभा (१) बाट नेकपा (एमाले)का रघुनाथ महर्जन विजयी भएका छन। महर्जनले गठबन्धनका तर्फबाट नेकपा (माओवादी केन्द्र)का उम्मेदवार राजकाजी महर्जनलाई छ सय ८६ मतले पछि पार्दै बागमती प्रदेशसभा सदस्यमा निर्वाचित भएकाे निर्वाचन अधिकृत धर्मराज पौडेलले औपचारिक घोषणा गरे।
निर्वाचन अधिकृतको कार्यालयले सार्वजनिक गरेको नतिजाअनुसार रघुनाथले नौ हजार सात सय ६६ मत प्राप्त गरे भने राजकाजीले नौ हजार ९० मत प्राप्त गरेका छन।
निर्वाचन कार्यालयले सार्वजनिक गरेको तथ्याङ्कअनुसार प्रदेशसभाका लागि प्रतिस्पर्धामा रहेका राप्रपाका उम्मेदवार विनोदकुमार खड्काले सात हजार पाँच सय ८७, विवेकशील साझाका समुद्र केसीले एक हजार छ सय ९२, नेमकिपाका अशोक महर्जनले एक हजार सात र जनता समाजवादीका ओमकृष्ण श्रेष्ठले तीन सय ७९ मत प्राप्त गर्रेका हुन।
त्यस्तै राप्रपा नेपालका श्यामबहादुर महतले दुई सय ११, स्वतन्त्र उम्मेदवार सविता महर्जनले एक हजार एक सय ३९ र अजय अछामीले दुई सय ८८ मत प्राप्त गरेका छन। यस क्षेत्रमा ४९ हजार ८१ मतदाता छन्।
