देशभरका १५ मतदान केन्द्रका मतदान स्थगित

काठमाडौं, मंसिर ४ : प्रतिनिधि सभा तथा प्रदेश सभा निर्वाचन अन्तर्गत देशैभर मतदान जारी छ ।

निर्वाचन आयोगले छिटफुट घटनाबाहेक देशभर उत्साहजनक ढंगले मतदान भइरहेको जनाएको छ । आयोगले देशभरका १५ मतदान केन्द्रको मतदान रोकिएको जानकारी दिएको छ । 

सामाजिक सञ्जालमार्फत आयोगले अपराह्न ३ः३० बजेसम्म १५ मतदान केन्द्रमा विभिन्न कारणले मतदान रोकिएको जानकारी दिएको हो । 

मतदान रोकिएका केन्द्रहरुमा मतदान सुचारु गर्ने प्रयास भइरहेको पनि आयोगले जानकारी दिएको छ । रोकिएका बाहेक अन्य स्थानमा शान्तिपूर्ण ढंगले मतदान भइरहेको आयोगले जनाएको छ ।