दोलखाको जफेस्थित मतदान केन्द्रमा झडप हुँदा सात राउन्ड हवाई फायर

दोलखा, मंसिर ४ : दोलखाको तामाकोसी गाउँपालिकास्थित जफेमा रहेकाे कालपानी मावि मतदान केन्द्रमा सुरक्षाकर्मीले ७ राउन्ड हवाई फायर गरेको छ।

एकैपटक धेरै मतदाता मतदान केन्द्रभित्र प्रवेश गरेपछि भएको विवादले झडपको रूप लिएपछि स्थितिलाई नियन्त्रणमा लिन सुरक्षाकर्मीले ७ राउन्ड हवाई फायर गरेको हो। मतदानस्थल एमाले र सत्ता गठबन्धनका कार्यकर्ताबीच विवाद भएकाे बताइएकाे छ।

प्रहरीमाथि दलका कार्यकर्ताहरूले ढुंगा प्रहार गरेको पनि जनाइएकाे छ। झडपमा एक प्रहरी घाइते भएको बताइउकाे छ। अहिले त्यहाँको मतदान रोकिएको प्रहरीले जनाएको छ।