चितवनको ब्रम्हास्थानीमा मतदान स्थगित  

काठमाडौं, मंसिर ४ : चितवन क्षेत्रनम्बर १  स्थिति ब्रम्हास्थानी मतदान केन्द्रमा मतदान रोकिएको छ । 

राप्ती नगरपालिका वडा नं. ८ मा विप्लव नेतृत्वको नेकपाका कार्यकर्ताले मतपेटिकामा आगो लगाउने प्रयास गरेपछि मतदान स्थगित भएको बताइएको छ । 

मतपेटिकामा आगो लगाउने प्रयास भएपछि प्रहरीले एक राउन्ड हवाई फायरसमेत गरेको छ । अहिले त्यहाँ थप सुरक्षाकर्मी परिचालन गरिएको बताइएको छ ।