इटहरीमा मोटसाइकल आपसमा ठोकिए, ३ जनाको मृत्यु

सुनसरी, कात्तिक १२ : सुनसरीको इटाहरीमा ठूलो मोटरसाइकल दुर्घटना भएको छ। इटहरी उपमहानगरपालिका–१० मा शुक्रबार साँझ दुई मोटरसाइकल आपसमा ठोकिँदा ३ जनाको मृत्यु भएको छ।

मोटरसाइकल दुर्घटनामा परी मोरङ बूढीगंगा–१ का ३० वर्षीय ओजराज लुइँटेल, धरान–१५ का ४० वर्षीय राजन राई र ३२ वर्षीय शम्भू राईको मृत्यु भएको जिल्ल प्रहरी कार्यालय सुनसरीले जनाएको छ।

विराटनगरबाट इटहरीतर्फ आउँदै गरेको को४प १४१० नम्बरको मोटरसाइकल र इटहरीबाट विराटनगरतर्फ जाँदै गरेको प्रदेश १–०२–०४१ प ४४११ नम्बरको मोटरसाइकल आपसमा ठोकिँदा मोटरसाइकलमा सवार तीन जना गम्भीर घाइते भएका थिए ।

गम्भीर घाइते भएका तीनै जनाको उपचारको क्रममा विराटनगरस्थित आर्य न्यूरो हस्पिटलमा मृत्यु भएको हो।