जीतपुर सिमरामा प्रहरी र मजदुरबीच झडप, १ राउण्ड गाेली र ३४ राउण्ड अश्रु ग्याँस प्रहार

बारा, कात्तिक ३ : बाराको जीतपुर सिमरा उपमहानगरपालिका– ९ छातापिपरामा प्रहरी र मजदुरबीच झडप भएकाे छ। स्थानीय त्रिवेणी स्पिनिङ उद्योगमा मजदुर र प्रहरीबीच झडप भएको हाे।

झडप नियन्त्रण गर्न प्रहरीले १ राउण्ड गोली र ३४ राउण्ड अश्रु ग्याँस प्रहार गरेको छ। झडपमा १० जना प्रहरी पनि घाइते भएका छन्।

घाइतेहरुको सिमरास्थित अल्पाइन अस्पतालमा उपचार भइरहेको छ।

प्रहरीले त्रिवेणी स्पिनिङका प्रमुख कार्यकारी अधिकृत, महाप्रबन्धक, प्रशासन अधिकृतलगायत ५ जनालाई उद्धार गरेको प्रहरीले जनाएको छ। झडपमा संलग्न ७ रहेको आरोपमा ७ जना मजदुर पक्राउ परेका छन्।