झाँक्रीलाई समर्थन गर्दै कांग्रेसका बागी भुसालले गराए उम्मेदवारी निष्क्रिय

गुल्मी, कात्तिक १ : गुल्मी क्षेत्र नं. २ बाट बागी उम्मेदवारी दिएका कांग्रेस नेता दामोदर भुसालले आफ्नो उम्मेदवारी निष्क्रिय गराएका छन्। उनले एकीकृत समाजनवादीकी रामकुमारी झाँक्रीलाई समर्थन गर्दै उम्मेदवारी फिर्ता लिएका हुन्।

नेताहरूको आग्रह, राष्ट्रिय समीकरण र कार्यकर्ताको शुभेच्छाले उम्मेदवारी निष्क्रिय बनाएको भुसालले बताएका छन्।

सम्मेलनमा सत्तारूढ गठबन्धनका साझा उम्मेदवार झाँक्री र कांग्रेस गुल्मीका सभापति खिलध्वज पन्थीले भुसालको उम्मेदवारी निष्क्रियले सत्तारूढ गठबन्धनका सबै उम्मेदवार विजय हुने विश्वास व्यक्त गरेका थिए।