नवौं राष्ट्रिय खेलकुद : प्याराग्लाइडिङ दुर्घटनामा त्रिभुवन आर्मीका खेलाडीको मृत्यु 

काठमाडौं, असोज ३० :  नवौं राष्ट्रिय खेलकुद प्रतियोगिताको दौरानमा प्याराग्लाइडिङ तर्फ एक खेलाडीको मृत्यु भएको छ । 

सारङकोटमा क्रस कन्ट्री प्याराग्लाइडिङ खेलमा त्रिभुवन आर्मी क्लबबाट भाग लिएका निसिम थापाको मृत्यु भएको हो । आइतबार बिहान साढे ११ बजे थापा सवार प्याराग्लाइडिङ १०० मिटर तल खसेको थियो । 

दुर्घटनामा घाइते भएका थापालाई उपचारका लागि मेट्रोसिटी अस्पताल पुर्याइएपनि चिकित्सकले उनको मृत्यु भइसकेको घोषणा गरेको थियो ।