जेलमा रहेका रेशम चौधरीले गराए उम्मेदवारी दर्ता
टीकापुर घटनाका मुख्य अभियुक्तका रूपमा जेलमा रहेका रेशमलाल चौधरीले उम्मेदवारी दर्ता गराएका छन्।
काठमाडौं, असोज २३ : टीकापुर घटनाका मुख्य अभियुक्तका रूपमा जेलमा रहेका रेशमलाल चौधरीले उम्मेदवारी दर्ता गराएका छन्।
उनको उम्मेदवारी दर्ता उनको प्रतिनिधि झग्गुप्रसाद चौधरीमार्फत भएको हो ।
२०७४ को निर्वाचनमा कैलाली निर्वाचन क्षेत्र १ बाट प्रतिनिधि सभा सदस्य निर्वाचनमा बहुमतले विजयी भएका उनलाई टीकापुर घटना मुद्दामा जिल्ला अदालत कैलाली र उच्च अदालत दिपायलले दोषी ठहर गरेपछि हाल जेल जीवन बिताउँदै आएका छन् ।
हाल सो मुद्दा सर्वोच्च अदालतमा विचाराधीन अवस्थामा रहेको छ ।
प्रकाशित मिति: १९:१२ बजे, आइतबार, असोज २३, २०७९
थप समाचार
