गोरखा पुगेर प्रचण्डले गराए उम्मेदवारी दर्ता (तस्बिरहरु)
प्रचण्डले अपराह्न ३ बजे उम्मेदवारी दर्ता गराएको उनको सचिवालयले जानकारी दिएको छ ।
काठमाडौं, असोज २३ : नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले आसन्न संघीय निर्वाचनका लागि उम्मेदवारी दर्ता गराएका छन् ।
आइतबार अपराह्न गोरखा पुगेर प्रचण्डले उम्मेदवारी दर्ता गराएका हुन् । पार्टीका वरिष्ठ उपाध्यक्ष नारायणकाजी श्रेष्ठ र नेपाल समाजवादी पार्टीका अध्यक्ष डा. बाबुराम भट्टराई पनि प्रचण्डसँगै गोरखा पुगेका छन् ।
प्रचण्डले अपराह्न ३ बजे उम्मेदवारी दर्ता गराएको उनको सचिवालयले जानकारी दिएको छ ।
यसअघि प्रचण्ड चितवनबाट चुनाव लड्ने तयारीमा थिए । तर, चितवनमा नेपाली कांग्रेसकै नेता कार्यकर्ताहरुले भोट नदिने देखिएपछि उनी गोरखा २ बाट लड्न सहमत भएका हुन् ।
गोरखामा अध्यक्ष नै आउने भएपछि वरिष्ठ उपाध्यक्ष श्रेष्ठले पनि ठाउँ छाडिदिएका थिए । यसअघि गोरखाबाट निर्वाचित डा. भट्टराईले पनि यसपटक चुनाव नलड्ने घोषणा गर्दै प्रचण्डलाई सघाउने बताएका छन् ।
