जुम्लामा पहिरोमा पुरिएर पाँच जनाको मृत्यु 

काठमाडौं, असोज २२ : जुम्लामा पहिरोमा पुरिएर पाँच जनाको मृत्यु भएको छ । 

अविरल वर्षासँगै आएको पहिरोमा परि जिल्लाको कनकासुन्दरी गाउँपालिका–५ मा पाँच जनाको मृत्यु भएको जुम्लाका प्रमुख जिल्ला अधिकारी मुकेशकुमार केशरीले जानकारी दिएका छन् । 

पहिरोमा परी २ जना गम्भीर घाइते भएका छन् । गम्भीर घाइतेहरुको उद्धार गरी अस्पताल पठाइएको छ ।

यसैबीच गृहमन्त्री बालकृष्ण खाँणले घाइतेको उद्धार र पुनस्थापनामा कुनै कसर बाँकी नराख्न गृह प्रशासन र प्रमुख जिल्ला अधिकारीलाई निर्देशन दिएको उनको सचिवालयले जनाएको छ ।