लागतारको वर्षापछि बाँके डुबानमा, ८० बढी परिवार विस्थापित

बाँके, असोज २१ : लगातारको वर्षापछि बाँकेको राप्ती नदी आसपासका बस्ती डुबानमा परेका छन्। बाँकेको राप्ती नदी तटीय क्षेत्रमा रहेको डुडुवा गाउँपालिका १ को चौफेरी बस्तीका ८० परिवार विस्थापित भएका छन्।

डुबानमा परेको सो बस्तीका ८० घर परिवारका अढाइ सय  स्थानीयलाई नजिकैको आश्रय स्थलमा राखिएको छ।

राप्ती नदी र डुडुवा नालाको बीचमापर्ने चौफेरि गाउँ नदी र नालामा आएको बाढीले घेरिएको हो । ढुवान प्रभावित बस्तीका घरमा तीन फिटसम्म पानी जमेको छ । कच्ची घरहरु भत्कन थालेका छन् । बिस्थापितहरु गाँस बासको समस्यामा छन् ।

यसै क्रममा बाँकेको नरैनापुरका विभिन्न क्षेत्र पनि जलमग्न भएका छन् । नरैनापुरको बनिया गाँउ, घोडदौरिया, जमुनहा, र दोधदरा बस्ती जलमग्न भएको प्रहरीले जनाएको छ ।

घोडदौरीया गाउँका १० वटा घर भत्केका छन् । घर भित्र बस्न नसक्ने भएपछि प्रभावित बासिन्दाले सरसामान सार्न थालेका छन । कतिपय पाल टाँगेर बसेका छन् ।