भैरहवाबाट काठमाडौं उडेको बुद्ध एयरको विमान जनकपुरमा अवतरण

काठमाडाैं, असाेज १९ : भैरहवाबाट काठमाडौंका लागि उडेको बुद्ध एयरको विमान जनकपुरमा अवतरण गरिएको छ।

मौसमको खराबीका कारण काठमाडौं विमानस्थलमा एयर ट्राफिक जाम भएपछि बुद्ध एयरको विमान जनकपुर विमानस्थलमा अवतरण गरिएको हो।

बिहान सवा ६ बजे उड्नु पर्ने विमान ७ः३५ मा भैरहवाबाट काठमाडौंका लागि उडेको थियो।

खराब मौसमका कारण जनकपुरमा १ घण्टा होल्ड गरेपछि यहाँबाट उडेको विमान १०ः२५ मा मात्र काठमाडौंमा अवतरण गरेको थियो।