दाङमा बस दुर्घटना हुँदा ३४ जना घाइते

दाङ : दाङकाे घोराही उपमहानगरपालिका-३ मा बस दुर्घटना हुँदा ३४ जना घाइते भएका छन।

शनिबार दिउँसो सवा ३ बजे भैंसीबगाउने खोला नजिकै बस दुर्घटना हुँदा ३४ जना घाइते भएको जिल्ला प्रहरी कार्यालय दाङले जनाएकाे छ।

रा १ ख १८४५ नम्बरको बस घोराही-लमही सडकखण्डमा अनियन्त्रित भएर दुर्घटनामा परेको हो।

बस चालकको अवस्था गम्भीर छ। उनी लगायत घाइतेको उपचारको लागि राप्ती स्वास्थ्य विज्ञान प्रतिष्ठानमा पठाइएको छ।

उनीहरूको उपचार भइरहेको छ।