तेस्रो स्वर्ण जित्नबाट चुकिन् गौरिका 

काठमाडौं, मंसिर २१ : नेपालकी गौरिका सिंह १३ औं सागमा तेस्रो स्वर्ण जित्न चुकेकी छिन्। 

शनिबार भएको १०० मिटर ब्याकस्ट्रोकको प्रतिस्पर्धामा गौरिकाले रजत पदकमा चित्त बुझाउनु प¥यो। निर्धारित दूरी गौरिकाले १ मिनेट ०३. १५ सेकेण्डमा पूरा गरेकी थिइन्। 

प्रतियोगितामा गौरिकालाई हराउँदै भारतकी मन्ना राजिव पटेलले स्वर्ण जितिन्। उनले निर्धारित दूरी १ मिनेट ०२.३५ सेकेण्ड समयमा पूरा गरेकी थिइन्।

यसअघि गौरिकाले जारी सागमा महिला २०० मिटर फ्रिस्टाइल र दुई सय मिटर ब्याकस्ट्रोकमा स्वर्ण जितेकी थिइन्।