मुलुकभर ८४८ कोरोना संक्रमित थपिए, एकको मृत्यु
स्वास्थ्य तथा जनसंख्या मन्त्रालयका अनुसार मंगलबार ५ हजार ६१९ जनाको नमुना परीक्षण गर्दा ८४८ जनामा संक्रमण देखिएको हो ।
काठमाडौं, साउन ३१ : बितेको चौबिस घन्टामा मुलुकभर ८४८ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार मंगलबार ५ हजार ६१९ जनाको नमुना परीक्षण गर्दा ८४८ जनामा संक्रमण देखिएको हो ।
जसमध्य २ हजार ७२२ जनाको पीसीआर परीक्षण गर्दा ३९९ र २ हजार ८९७ जनामा एन्टीजेन परीक्षण गर्दा ४४९ जनामा संक्रमण पुष्टि भएको हो ।
सोही अवधिमा ५२६ जना कोरोना संक्रमणमुक्त भएका छन् भने एक संक्रमितको मृत्यु भएको मन्त्रालयले जानकारी दिएको छ ।
योसंगै नेपालभर कोरोनाको कुल संक्रमित संख्या पीसीआरतर्फ ९ लाख ९३ हजार ८५८ र एन्टीजेनतर्फ १ लाख ४७ हजार ८२२ पुगेको छ । तीमध्य ९ लाख ७६ हजार ६०९ जना संक्रमणमुक्त भइसकेका छन् ।
हालसम्म ११ हजार ९९० जनाले कोरोनाका कारण ज्यान गुमाएका छन् । मन्त्रालयका अनुसार मंगलबारसम्म नेपालभर कोरोनाको सक्रिय संक्रमित संख्या ५ हजार २५९ पुगेको छ ।
