उपत्यकामा थप २०५ जनामा कोरोना संक्रमण, सक्रिय संक्रमितको संख्या ३,६४५ 

काठमाडौं, साउन २९ : पछिल्लो २४ घन्टामा काठमाडौं उपत्यकामा २ सय ५ जनामा कोरोना संक्रमण पुष्टि भएको छ।

तीमध्ये काठमाडौंमा १ सय ५२, ललितपुरमा ४८ र भक्तपुरमा ५ जना रहेको स्वास्थ्य तथा जनसंख्या मन्त्रालयले जनाएको छ।

योसँगै काठमाडौं उपत्यकामा सक्रिय संक्रमितको संख्या ३ हजार ६ सय ४५ पुगेको छ। तीमध्ये काठमाडौंमा २ हजार ६ सय ६८, ललितपुरमा ९ सय २१ र भक्तपुरमा ५६ रहेको मन्त्रालयले जनाएको छ।

आइतबार देशभर ४ सय ५५ जना जनामा कोरोना संक्रमण पुष्टि हुँदा सक्रिय संक्रमितको संख्या  ५ हजार ४ सय ३५ पुगेको छ।