एमालेको सचिवालय बैठक बस्दै, चुनावी रणनीतिबारे छलफल हुने
काठमाडौं, साउन २६ : प्रमुख प्रतिपक्षी दल नेकपा एमालेको सचिवालय बैठक आज बस्दै छ । ललितपुरको च्यासलस्थित पार्टी केन्द्रीय कार्यालयमा मध्याह्न १२ बजे बैठक...
काठमाडौं, साउन २६ : प्रमुख प्रतिपक्षी दल नेकपा एमालेको सचिवालय बैठक आज बस्दै छ । ललितपुरको च्यासलस्थित पार्टी केन्द्रीय कार्यालयमा मध्याह्न १२ बजे बैठक बस्ने छ ।
बैठकमा समसामयिक राजनीतिका साथै मंसिर ४ मा निर्धारित प्रदेश र प्रतिनिधि सभा निर्वाचनको रणनीति, चुनावी एजेण्डा लगायतका विषयमा छलफल हुने बताइएको छ।
बैठकले पोलिटब्युरो र केन्द्रीय समितिको बैठकको मिति तोक्नसक्ने सम्भावना पनि छ।
आसन्न निर्वाचनका लागि सत्ता गठबन्धनका पाँच दल नेपाली कांग्रेस, नेकपा माओवादी केन्द्र, एकीकृत समाजवादी, जनता समाजवादी पार्टी र राष्ट्रिय जनमोर्चाले आसन्न निर्वाचनमा तालमेल गर्ने निर्णय गरिसकेका छन् । एमालेका नेताहरु गठबन्धन बाहिरका दलसँग तालमेल हुने बताउँदै आएका छन्। आजको बैठकमा अन्य दलसँगको तालमेलको सम्भावना र प्रभावका बारेमा छलफल हुने बताइएको छ ।्
प्रकाशित मिति: १०:३६ बजे, बिहीबार, साउन २६, २०७९
प्रतिक्रिया दिनुहोस्
थप समाचार
