फाेहोर फाल्न बञ्चरेडाँडा पुगेको गाडी अज्ञात समूहद्वारा तोडफोड (तस्बिरहरु)
गएराती सिसडोल–बञ्चरेडाँडा सडकखण्डको आलेटार भन्ने ठाउँमा राखिएको फोहोरको गाडी तोडफोड भएको हो
काठमाडौं, साउन २४ : काठमाडौंबाट फोहोर लिएर बञ्चरेडाँडा गएको गाडी तोडफोड भएको छ । गएराती सिसडोल–बञ्चरेडाँडा सडकखण्डको आलेटार भन्ने ठाउँमा राखिएको फोहोरको गाडी तोडफोड भएको हो
।
काठमाडौं महानगरपालिका नगर प्रहरी बलका प्रहरी नायब उपरीक्षक पूर्णचन्द्र भट्टले १७ वटा गाडी तोडफोड भएको जानकारी दिए । उनका अनुसार १४ वटा फोहोरका टिपर, दुई वटा डोजर र एउटा स्काभेटर तोडफोड भएका हुन् ।
तोडफोड भएका सवारी साधन फोहोर मैला व्यवस्थापन गर्ने कम्पनी र निजी क्षेत्रका हुन्। त्यस्तै, स्काभेटर र डोजर महानगरपालिकाको स्वामित्वमा भएको भट्टले जानकारी दिए।फोहोर बोकेका गाडी तोडफोड भएपछि काठमाडौंको फोहोर व्यवस्थापनमा पुन: समस्या देखिएको छ।
प्रकाशित मिति: १२:४४ बजे, मंगलबार, साउन २४, २०७९
प्रतिक्रिया दिनुहोस्
थप समाचार
