काठमाडौं उपत्यकामा ३५१ जनामा कोरोना संक्रमण पुष्टि

काठमाडौं, साउन १९ : पछिल्लो २४ घन्टामा काठमाडौं उपत्यकामा ३ सय ५१ जनामा कोरोना संक्रमण पुष्टि भएको छ।

तीमध्ये काठमाडौंमा २ सय ४६, ललितपुरमा ८८ र भक्तपुरमा १७ जना रहेको स्वास्थ्य तथा जनसंख्या मन्त्रालयले जनाएको छ।

योसँगै काठमाडौं उपत्यकामा सक्रिय संक्रमितको संख्या ३ हजार ८ सय ७० सय पुगेको छ। तीमध्ये काठमाडौंमा ३ हजार १ सय, ललितपुरमा ६ सय ९१ र भक्तपुरमा ७९ रहेको मन्त्रालयले जनाएको छ।

बिहीबार देशभर ७ सय ६० जनामा कोरोना संक्रमण पुष्टि हुँदा सक्रिय संक्रमितको संख्या ५ हजार ६ सय २ पुगेको छ।