पेट्रोलियम पदार्थको मूल्य घटाउन सकिँदैन : आयल निगम

काठमाडौं,  साउन १८ : नेपाल आयल निगमले इन्धनको मूल्य नघट्ने जनाएको छ । 

निगमलाई इन्धनको मूल्यमा अझै घाटा रहेको र पुरानो बक्यौता तिर्नकै लागि मूल्य यथावत राख्नुपर्ने अवस्था आएको निगमले जनाएको हो ।

‘पछिल्लो पटक प्राप्त नयाँ मूल्य सूचीले निगमलाई अझै १५ दिनमा ६३ करोड ५८ लाख रुपैयाँ घाटा हुने देखिएको छ’ निगमले बुधबार जारी गरेको विज्ञप्तिमा उल्लेख छ ।

इन्धन खरिद गरेबापत भारतीय आयल कर्पोरेसन (आईओसी) लाई अझै २३ अर्ब बक्यौता बाँकी रहेको पनि निगमले जनाएको छ ।