काठमाडौं उपत्यकामा २११ जनामा कोरोना संक्रमण पुष्टि

काठमाडौं, साउन १४ : पछिल्लो २४ घन्टामा काठमाडौं उपत्यकामा २ सय ११ जनामा कोरोना संक्रमण पुष्टि भएको छ।

तीमध्ये काठमाडौंमा १ सय ५५, ललितपुरमा ४४ र भक्तपुरमा १२ जना रहेको स्वास्थ्य तथा जनसंख्या मन्त्रालयले जनाएको छ।

योसँगै काठमाडौं उपत्यकामा सक्रिय संक्रमितको संख्या २ हजार ९ सय ९१ पुगेको छ। तीमध्ये काठमाडौंमा २ हजार ४ सय ५९, ललितपुरमा ४ सय ८६ र भक्तपुरमा ४६ रहेको मन्त्रालयले जनाएको छ।

शनिबार देशभर ४सय ३४ जनामा कोरोना संक्रमण पुष्टि हुँदा सक्रिय संक्रमितको संख्या ४ हजार ३ सय ६९ पुगेको छ।