पूर्वप्रधानमन्त्री डा.बाबुराम भट्टराई पनि धर्नामा

गोरखा, मंसिर ५ : पूर्वप्रधानमन्त्री डा.बाबुराम भट्टराई पनि बिहीबार धर्नामा बसेका छन्।

बिहीबार बुढीगण्डकी परियोजनाको मुआब्जा वितरणको माग गर्दै स्थानीय वासिन्दा र जनप्रतिनिधि गोरखा जिल्ला प्रशासन कार्यालयमा धर्नामा बसेका छन्। उनीहरूसँगै डा.भट्टराई पनि धर्नामा बसेका हुन्।

त्यस्तै, राष्ट्रियसभाका सदस्य सुरेन्द्रराज पाण्डे, गण्डकी प्रदेशका सदस्यहरू प्रकाशचन्द्र दवाडी र धनमाया लामा पनि धर्नामा बसेका छन्। उनीहरूले तत्कालन मुआब्जा वितरण गर्न माग गरेका छन्।

डा.भट्टराईले पनि ट्वीट गर्दै तत्काल उचित मुआब्जा वितरणका लागि आग्रह गरेका छन्।

बुढीगण्डकी परियोजनाको मुआब्जा वितरणमा लामो समयदेखि भएको ढिलाइ अन्त्य गर्न र तुरून्त उचित मुआब्जा वितरण गर्न दबाब दिन गोरखा जिल्ला प्रशासन कार्यालय अगाडि जनप्रतिनिधिहरू र सरोकारवालाहरूको धर्ना! यो महत्वपूर्ण राष्ट्रीय गौरवको परियोजनाका समस्या हल गर्न सरकारको तुरून्त ध्यान पुगोस्! pic.twitter.com/ZiivPi7xC6

— Baburam Bhattarai (@brb1954) November 21, 2019