राजु लामाको स्वरमा ‘ठुली’ म्युजिक भिडियो सार्वजनिक

काठमाडाैं, असार १६ : हालै सगरमाथाको सफल आरोहण गरेका गायक राजु लामाको स्वरमा रहेको ‘ठुली’ म्युजिक भिडियो सार्वजनिक भएको छ।

राजु लामा र तारा शिरिष मगरको सुमधुर स्वरमा रहेको ठूलीको म्युजिक भिडियोलाई नेपाल इन्टरटेनमेन्ट प्रालिले सार्वजनिक गरेको हो। उक्त गीतमा शब्द कौडा बुढा मगरको रहेको छ भने सङ्गीत सरोज लामाको छ।

‘नाकैमा ठुली, शिरैमा सुनको शिरबन्दी’, ‘म पनि केमा कम छु र, भन न, चट्टै परेर आको छु हेर न’, ‘आऊ न नजिक मलाई अँगालोमा बेर न’ लगायत बोलका गीत म्युजिक भिडियोमा समावेश गरिएको छ।

उक्त भिडियोमा आकाश श्रेष्ठ र बीना राउतले  अभिनय गरेका छन्। अर्जुन तिवारीले छायांकन गरेको सो भिडियोमा सान थापाले निर्देशन गरेका हुन्। उक्त गीतको भिडियो नेपालमय युट्युब च्यानलमार्फत सार्वजनिक गरिएको छ।