प्रसिद्ध उपन्यास ‘लू’ मा चलचित्र बन्दैं, मंसिरदेखि सुटिङ सुरु हुने 

काठमाडौं, असार ५ : नयनराज पाण्डेद्वारा लिखित प्रसिद्ध उपन्यास ‘लू’ मा आधारित भएर चलचित्र निर्माण हुने भएको छ । 

क्यारो फिल्म्सले निर्माण गर्न लागेको नेपाली चलचित्र ‘लू’ को सुटिङ आगामी मंसिरदेखि सुरु हुने भएको छ । पाण्डेद्वारा लिखित प्रसिद्ध उपन्यास ‘लू’ को अधिकार क्यारो फिल्म्सले केही समय अघि लिएको थियो । 

क्यारो फिल्म्सले हालै मात्र संगीत निर्देशकका रूपमा कालीप्रसाद बास्कोटालाई आबद्ध गरेको छ । ‘लू’ चलचित्रका निर्माता निशा खरेल र कालीप्रसाद बास्कोटा बीच सम्झौतामा हस्ताक्षर भएको क्यारो फिल्म्सले जनाएको छ ।