भारतीय रेलकाे ठक्करबाट एक नेपाली युवाको मृत्यु

काठमाडौं, असार ३ : झापाको काकडभिट्टा नजिकैको पश्चिम बंगालस्थित पानीट्यांकीमा भारतीय रेलले ठक्कर दिँदा एक नेपाली युवकको मृत्यु भएको छ।
 
बिहीबार साँझ झापाको मेचीनगर नगरपालिका ६ काकडभिट्टा निवासी ३० वर्षीय विजय श्रेष्ठलाई रेलले ठक्कर दिँदा उनको घटनास्थलमै मृत्यु भएको भारतीय प्रहरीले जनाएको छ।  बिहीबार साँझ साढे ७ बजे भारतीय बजारबाट घर फर्किंदै गर्दा रेलको बाटो क्रसिङ गर्ने क्रममा उनलाई रेलले ठक्कर दिएको हो। 

नेपाली युवकको शव अहिले भारतमै छ। घटनाको थप अनुसन्धान भइरहेको भारतीय प्रहरीले जनाएको छ।