‘अब हामी श्रीमान-श्रीमती भयौं’

काठमाडौं, जेठ ३१ : चर्चित गायिका इन्दिरा जोशीले विवाह गरेकी छन्। उनले मंगलबार प्रेमी तथा फेसन डिजाइनर शरद केडियासँग विवाह गरेकी हुन्।

उनीहरूको विवाहमा नजिकका आफन्त र साथीभाइको उपस्थिति थियो। इन्दिराले आफ्नो सामाजिक सञ्जालमा विवाहको तस्बिर सार्वजनिक गर्दै लेखेकी छन्, अब हामी श्रीमान श्रीमती भयौं ।

 तीन वर्षदेखि प्रेम सम्बन्धमा रहेको इन्दिरा र शरदले केहि समय अगाडि सगरमाथाको नाम्चेमा पुगेर इन्गेजमेन्ट गरेका थिए। 

इन्दिराका उध्रेको चोली छ है, मोटरसाइकलमा, रेलिमाई, चौबन्धी चोली अनि रातो घाँगर जस्ता गीत चर्चामा छन् ।