प्रधानमन्त्रीको मिर्गाैला डायलासिस सम्पन्न भयो, अहिले ठीकै छ भन्नुभयो : प्रचण्ड 

काठमाडौं, कात्तिक १४ः सत्तारुढ नेपाल कम्युनिस्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ ले प्रधानमन्त्री केपी शर्मा ओलीको मिर्गौलाको डायलासिस गरिएको पुष्टि गरेका छन् ।

प्रधानमन्त्रीलाई भेट्न बिहीबार अपरान्ह /राजधानीकाे टाेखास्थित ग्राण्डी अस्पतालमा पुगेका प्रचण्डले प्रधानमन्त्री ओलीलाई भेटेर फर्कने क्रममा सञ्चारकर्मीसँग भने, ‘भर्खर एउटा डायलासिस भएपछि रेष्ट गरेर डिस्चार्ज हुँदै हुनुहुन्छ । आज बालुवाटार जानुहुन्छ ।’

प्रचण्डले प्रधानमन्त्री ओलीसँग आफ्नो सामान्य कुराकानी भएको पनि जानकारी दिए । ‘समस्या छिटोछिटो देखा पर्यो, उहाँले अहिले ठीकै छ भन्नुभयो’, प्रचण्डले भने, ‘डायलासिस गरेपछि उहाँको स्थिति सामान्यतिर गइरहेको छ ।’

प्रधानमन्त्री ओलीसँग आफ्नो सामान्य कुराकानी भएको उनले सुनाए । ‘समस्या छिटोछिटो देखा र्पयो, अहिले ठीकै छ भन्नुभयो’, प्रचण्डले भने, डायलासिस गरेपछि उहाँको स्थिति सामान्यतिर गइरहेको छ ।’

प्रधानमन्त्री ओली बुधबारदेखि ग्राण्डी अस्पतालमा उपचाररत छन् । बुधबार र बिहीबार दुई पटक उनको मिर्गौलाको डायलासिस गरिएको अस्पताल स्रोतले बताएको छ । उनको निजी सचिवालय र अस्पतालले नियमित स्वास्थ्य परीक्षण मात्र भएको दाबी गर्दै आएको छ । प्रचण्डले भने डायलासिसको पुष्टि गरेका छन्।