शनिबार हुने भनिएकाे सलमान खानकाे कार्यक्रम स्थगित

काठमाडाैं, जेठ १० : शनिबार दशरथ रंगशालामा भारतीय नायक सलमान खानकाे उपस्थितीमा हुने भनिएकाे कार्यक्रम स्थगित भएकाे छ।

स्थानीय तह निर्वाचनकाे कारण टिकट बिक्रीमा परेको प्रभाव परेकाे र वर्षाका कारण अहिलेलाई कार्यक्रम स्थगित गरिएकाे अायाेजकले जनाएकाे छ। आयोजक ओडीसी इन्टरटेन्टमेन्ट प्रालिका अनुसार कार्यक्रमका लागि हालसम्म करिब ८ करोड रुपैयाँ खर्च भइसकेको छ।

कार्यक्रमबारे चाँडै छलफल गरेर नयाँ मिति तय गरिने पनि आयोजकले जनाएकाे छ।

कार्यक्रममा सलमान खान, प्रभु देवासहित भारतीय कलाकार आउने भनिएको थियो।