‘तानाजी द अनसंग वारियर’ मा अजय र सैफको नयाँ लुक्स

काठमाडौं, कात्तिक ५ : चलचित्र ‘तानाजी द अनसंग वारियर’ मा  बलिउडका दुई चर्चित नायक देखिने भएका छन्।

अजय देवगन र सैफअली खान न्यू लुक्समा देखिएको पोष्टर सार्वजनिक भएलगत्तै अहिले सामाजिक सञ्जालमा प्रशंसा हुन थालेको छ।

सार्वजनिक गरिएको पोस्टरमा अजय देवगन निकै डरलाग्दो लुक्समा उनी तरबारका साथमा देखिएका छन्। अभिनेता अजय देवगनले फिल्मको फस्टलुक्स आफ्नो इन्स्टाग्राममा पनि शेयर गरेका छन्। मराठा योद्धाको रुपमा देखिएका अजयको लुक्सलाई दर्शकले निकै मन पराएका छन्।

बलिउडका स्टारले समेत तारिफ गरेको उनको पोस्टर भाइरल भइरहेको छ। फिल्ममा अजय देवगन मराठा ओरियर तानाजी मालुसरेको भूमिकामा छन्। सार्वजनिक भएको पोष्टरमा सैफअली खानको लुक्स पनि बाहिरिएको छ।

ओम राउतको निर्देशन रहेको फिल्ममा अजयका अलवा काजोल र सैफअली खान पनि मुख्य भूमिकामा छन्। सैफको भूमिका राजपुत लडाकु जयसिंह राठौरको रहेको छ। फिल्म योद्धाहरु बीच भएको लडाइमा आधारित छ। 

अजय देवगन फिल्मस् र टी सिरिज प्रोडक्सनले यो चलचित्र निर्माण गरेका हुन्। १० जनवरी, २०२० का लागि फिल्मको रिलिज मिति तय भएको छ।