प्युठानको झिमरुकमा एमाले र माओवादी केन्द्रबीच चुनावी गठबन्धन
काठमाडाैं, वैशाख १२ : प्युठानको झिमरुक गाउँपालिकामा एमाले र माओवादी केन्द्रबीच चुनावी गठबन्धन हुने भएको छ।सत्ता गठबन्धन दलबीच सहमित कायम हुन नसकेपछि पछि...
काठमाडाैं, वैशाख १२ : प्युठानको झिमरुक गाउँपालिकामा एमाले र माओवादी केन्द्रबीच चुनावी गठबन्धन हुने भएको छ।
सत्ता गठबन्धन दलबीच सहमित कायम हुन नसकेपछि पछि माओवादी केन्द्र एमालेसँग गठबन्धन गर्न पुगेको हो।
गाउँपालिका अध्यक्षमा माओवादी केन्द्र र राष्ट्रिय जनमोर्चाबीच सहमति हुन नसक्दा गठबन्धनबाट अलग भएर गठबन्धन गर्नुपरेको माओवादी केन्द्रका नेताहरूले बताएका छन्।
नयाँ गठबन्धन बनेपछि त्यहाँ माओवादी केन्द्रबाट पितबहादुर एमसी अध्यक्ष र एमालेबाट हुकुमबहादुर खड्का उपाध्यक्षमा उठ्ने भएका छन्।
माओवादी केन्द्र गठबन्धनबाट बाहिरिएपछि त्यहाँ जनमोर्चा र कांग्रेसबीच मात्र तालमेल हुने भएको छ। जसअनुसार जनमोर्चाबाट अध्यक्षमा टीकाबहादुर जिसी र कांग्रेसबाट उपाध्यक्षमा प्रमोद पोखरेल उम्मेदवार बनेका छन्।
यसअघि त्यहाँ अध्यक्ष र उपाध्यक्ष दुवै पदमा जनमोर्चा विजयी बनेको थियो।
