ओस्कर अवार्ड : ड्युनले जित्यो सर्वाधिक ६ अवार्ड, कोडा सर्वोत्कृष्ट

प्रतिष्ठित ओस्कर अवार्डको ९५औं संस्करण सम्पन्न भएको छ। अमेरिकाको लस एन्जलसमा आयोजित समारोहमा ड्युनले सर्वाधिक ६ अवार्ड जित्यो...

काठमाडौं प्रेससोमबार, चैत १४, २०७८

काठमाडाैं, चैत १४ : प्रतिष्ठित ओस्कर अवार्डका ९५औं संस्करण सम्पन्न भएको छ। अमेरिकाको लस एन्जलसमा आयोजित समारोहमा ड्युनले सर्वाधिक ६ अवार्ड जितेको छ ।

२३ विधामा वितरण गरिएको अवार्डमा ड्युनले ध्वनी, ओरिजिनल कोर, प्रोडक्सन डिजाइन, भिजुअल इफेक्ट, सम्पादन र सिनोमाटोग्राफी गरि ६ अवार्ड जितेको हो । ड्युन कुल ११ विधामा मनोनयनमा परेको थियो ।

सर्वोत्कृष्ट निर्देशकको अवार्ड जेन क्याम्पियनले जितेकी छिन् । उनी 'द पावर अफ दि डग'का लागि सर्वोत्कृष्ट निर्देशक बनेकी हुन् । सो फिल्म सर्वाधिक १२ विधामा मनोनयनमा परेको थियो । क्याम्पियन ओस्करमा सर्वोत्कृष्ट निर्देशक बन्ने तेस्रो महिला बनिन्।

यस्तै, कोडाले सर्वोत्कृष्ट फिल्मका लागि एकेडेमी अवार्ड जितेको छ । फिल्मले सहअभिनेता (ट्रोइ कोत्सर) र एडप्टेड स्क्रिनप्ले (सायन हेडर)को अवार्ड पनि जित्न सफल भयो ।

यस्तै, सर्वोत्कृष्ट अभिनेताको अवार्ड ‘किङ रिचर्ड’बाट विल स्मिथले जिते भने सर्वोत्कृष्ट अभिनेत्री ‘आइज अफ ट्यामी फेइ’ बाट जेसिका चेस्टेइन बनिन्। यस्तै, सहअभिनेता ट्रोइ कोत्सर (कोडा) र सहअभिनेत्री एरियाना डिबोस (द वेस्ट साइड स्टोरी) बने ।

यसैगरी अन्तर्राष्ट्रिय फिचर फिल्मको अवार्ड जापानी फिल्म ‘ड्राइभ माइ कार’ ले जित्यो । जापनी फिल्मले १४ वर्षपछि ओस्कर जितेको हो।

यस्तै, ओस्कार इतिहासमै पहिलोपटक पपुलर भोटिङको आधारमा ‘फ्यान फेभरेट’ विधा यसपटक समावेश गरियो । यो विधामा ज्याक स्नाइडरको ‘आर्मी अफ द डेड’ सर्वोत्कृष्ट बन्यो । ट्वीटरमार्फत दर्शकले यो विधामा मतदान गरेका थिए।

कसले कुन विधानमा जिते अवार्ड ?

फिल्म : कोडा

निर्देशक : जेनी क्याम्पियन (द पावर अफ द डग)

अभिनेता : विल स्मिथ (किङ रिचर्ड)

अभिनेत्री : जेसिका चेस्टेइन (द आइज अफ ट्यामी फेइ)

सहअभिनेता : ट्रोइ कोत्सर (कोडा)

सहअभिनेत्री : एरियाना डिबोस (द वेस्ट साइड स्टोरी)

कस्ट्युम डिजाइन : क्रुएला (जेन्नी विभान)

ध्वनि : ड्युन

ओरजिनल स्कोर : ड्युन (हान्स जिमर)

एडप्टेड स्क्रिननप्ले : सायन हेडेर (कोडा)

ओरजिनल स्क्रिनप्ले : केनेथ ब्रानग (बेलफास्ट)