चिलीको पोष्टमा ब्राजिलको चार गोल 

काठमाडौं, चैत ११ : ब्राजिलले फिफा विश्वकप छनोटमा चिलीमाथि फराकिजो जित निकालेको छ ।

शुक्रबार बिहान भएको खेलमा ब्राजिलले चिलीलाई ४–० गोल अन्तरले पराजित गरेको हो । घरेलु मैदानमा भएको खेलमा ब्राजिललाई जित दिलाउन नेमार, भिनिसिउस जुनियर, फिलिप कौटिन्हो र रिचर्डलिसनले एक–एक गोल गरे ।

जितसँगै ब्राजिलले १६ खेलमा ४२ अंक जोडेको छ । ब्रजिल विश्वकपमा छनोट भइसकेको छ । पराजित चिली १७ खेलबाट १९ अंक जोडेर सातौं स्थानमा छ ।

शुक्रबार बिहान नै भएको अर्को खेलमा कोलम्बीयाले बोलोभियामाथि ३–० गोलको जित निकालेको छ । त्यस्तै पाराग्वेले इक्वेडरमाथि ३–१ गोलको जित निकाल्यो ।