इपिएलमा लिभरपुलले लेस्टर सिटीलाई हरायो 

काठमाडौं, माघ २८ : इंग्लिस प्रिमियर लिगमा लिभरपुलले लेस्टर सिटीलाई २-० गोल अन्तरले पराजित गरेको छ । 

बिहीवार राति भएको खेलमा दुबै गोल डिअगो जोटाले गरे । जोटाले ३४औं र ८७औं मिनेटमा गरेको दुई गोलसंगै लिभरपुलले १५औं जित निकाल्दा शीर्ष स्थानको म्यानचेस्टर सिटीसंगको अग्रता दूरी घटाएको हो ।

जितसंगै लिभरपुल २३ खेलबाट ५१ अंक सहित दोस्रो स्थानमा यथावत छ । लेस्टर भने  २१ खेलबाट २६ अंक सहित  १२औं स्थानमा छ  । 

शीर्ष स्थानको सिटी २४ खेलबाट ६० अंक सहित लिभरपुल भन्दामाथि छ ।